Verktøylinje
Forskrift om fartøy som blir brukte av opplæringsinstitusjonar
Trykk Escape for å lukke innholdsfortegnelse
- Forskrift om fartøy som blir brukte av opplæringsinstitusjonar
-
Kapittel 1. Generelle reglar (§§ 1 - 9)
- § 1. Verkeområde
- § 2. Reiarlaget si plikt til å sende inn opplysingar
- § 3. Forholdet til andre reglar
- § 4. Tryggleiksstyringssystem
- § 5. Tryggleiksorientering
- § 6. Teljing og registrering av personar om bord
- § 7. CE-merka fartøy
- § 8. Teknisk tryggleik
- § 9. Automatisk naudstopp
Ditt søk ga dessverre ingen treff.
Del dokument
Forskrift om fartøy som blir brukte av opplæringsinstitusjonar
Heimel: Fastsett av Sjøfartsdirektoratet 21. september 2022 med heimel i lov 16. februar 2007 nr. 9 om skipssikkerhet (skipssikkerhetsloven) § 2, § 5, § 7, § 8, § 9, § 11, § 13, § 16, § 19 og § 45, jf. delegeringsvedtak 16. februar 2007 nr. 171 og delegeringsvedtak 31. mai 2007 nr. 590.
Kapittel 1. Generelle reglar
§ 1.Verkeområde
Denne forskrifta gjeld for norske fartøy med største lengd under 24 meter i innanriksfart som opererer i maksimum 15 knop, og som blir brukte av opplæringsinstitusjonar med 35 eller færre personar om bord. Personar om bord som ikkje inngår i bemanninga, skal vere knytte til opplæringsinstitusjonen.
Med opplæringsinstitusjon er meint ein institusjon som er omfatta av barnehageloven, grunnskuleopplæringa i opplæringslova, grunnskuleopplæringa i friskolelova eller folkehøyskoleloven.
Forskrifta gjeld ikkje for fartøy som fylgjer forskrift 14. januar 2020 nr. 63 om fartøy under 24 m som fører 12 eller færre passasjerar.
🔗Del paragraf§ 2.Reiarlaget si plikt til å sende inn opplysingar
Reiarlaget skal registrere opplysingar om verksemda hjå Sjøfartsdirektoratet før aktiviteten startar. Reiarlaget skal stadfeste at krava i denne forskrifta er gjennomgåtte og oppfylte. Registreringa gjeld i eitt år og må fornyast så lenge fartøyet er i drift etter denne forskrifta.
🔗Del paragraf§ 3.Forholdet til andre reglar
På område der det ikkje er gitt særlege reglar i denne forskrifta, skal fartøy oppfylle krav i andre relevante forskrifter gitt med heimel i skipssikkerhetsloven.
🔗Del paragraf§ 4.Tryggleiksstyringssystem
Reiarlaget skal etablere, gjennomføre og vidareutvikle eit dokumenterbart tryggleiksstyringssystem som minimum inneheld
Reiarlaget skal ha ein årleg gjennomgang av tryggleiksstyringssystemet for å vurdere om det fungerer i tråd med føremålet, og om det er behov for forbetringar. Gjennomgangen skal dokumenterast.
Tryggleiksstyringssystemet skal vere tilgjengeleg om bord.
🔗Del paragraf§ 5.Tryggleiksorientering
Før avgang skal alle om bord på fartøyet få ei tryggleiksorientering som er tilpassa føremålet med turen. Tryggleiksorienteringa skal som eit minimum gi informasjon om bruk av redningsmiddel, om korleis personane om bord skal opptre i ein naudssituasjon, og om særskilde risikoar.
Tryggleiksorienteringa skal vere på eit språk alle om bord forstår.
🔗Del paragraf§ 6.Teljing og registrering av personar om bord
Før kvar avgang skal talet på personar om bord registrerast hjå kontaktperson på land. Dersom reisa inkluderer overnatting, skal det i tillegg registrerast namn på alle om bord.
Opplysingane som det er krav om etter første og andre ledd, skal gjerast tilgjengelege for redningstenesta i samband med søk og redning. Namnelister skal oppbevarast og slettast i samsvar med personvernregelverket.
🔗Del paragraf§ 7.CE-merka fartøy
For fartøy som er CE-merka i samsvar med forskrift 15. januar 2016 nr. 35 om produksjon og omsetning av fritidsfartøy og vannscootere mv., gjeld ikkje § 8 til § 16.
For fartøy i første ledd skal avgrensingane som fylgjer av konstruksjonskategorien og talet på personar fartøyet er konstruert for, ikkje overskridast.
🔗Del paragraf§ 8.Teknisk tryggleik
Fartøy med største lengd under 15 meter skal oppfylle Nordisk båtstandard 1990 for yrkesbåter under 15 meter (NBSY), inkludert kapittel Y31 Passasjerbåttillegg, eller ein standard som gir tilsvarande tryggleik.
Fartøy med største lengd 15 meter eller meir skal oppfylle DNV Craft eller ein standard som gir tilsvarande tryggleik.
Fartøy i fartsområde 4 og større skal ha faste sitjeplassar i innvendige opphaldsrom til alle om bord.
🔗Del paragraf§ 9.Automatisk naudstopp
Fartøy som har utvendig styreposisjon og berre éin person i bemanninga, skal vere utstyrte med automatisk naudstopp som stoppar framdriftsmaskineriet dersom føraren fell over bord.
🔗Del paragrafKapittel 2. Stabilitet
§ 10.Krav til krengjeprøve
På fartøy med største lengd under 15 meter kan det i staden for å fylgje krava i NBSY Y3.3 og Y3.4 gjennomførast praktisk krengjeprøve med vekter om bord som svarar til det største talet på personar og last som fartøyet kan ha om bord. Når alle vekter er plasserte på den eine sida av fartøyet på minst gunstige måte, skal krengjevinkelen ikkje vere større enn 10 grader. Krenginga skal ikkje føre til reduksjon i fribordet på meir enn halve fribordet for fartøy som ikkje krengjer. Når endringar på fartøyet påverkar stabiliteten til fartøyet skal reiarlaget gjennomføre ny praktisk krengjeprøve.
På fartøy med største lengd 15 meter eller meir skal det gjennomførast krengjeprøve for å fastsetje lettskipsdata.
Krengjeprøva skal bestillast elektronisk og gjennomførast med inspektør frå Sjøfartsdirektoratet til stades.
🔗Del paragraf§ 11.Krav til stabilitetsutrekningar
Fartøy med største lengd 15 meter eller meir skal ha stabilitetsutrekningar som viser følgjande:
Første ledd gjeld ikkje fartøy i fartsområde 2 og mindre når initialmetasenterhøgda (GM) er minst 0,15 meter og arealet under kurva for rettande arm (GZ-kurva) for lastetilstandane er minst 0,055 meterradianar rekna til fyllingsvinkelen, eller til krengjing på 20 grader når fyllingsvinkelen er større.
Fartøy med største lengd 15 meter eller meir skal ikkje ha krengjevinkel på meir enn 10 grader når alle passasjerane er plasserte på eine sida av fartøyet på minst gunstige måte.
🔗Del paragraf§ 12.Krav til nye stabilitetsutrekningar
Når endringar på fartøyet påverkar oppdrifta til fartøyet slik at hydrostatikk og KY-verdiar blir endra, skal reiarlaget utarbeide nye stabilitetsutrekningar.
Fartøy som blir endra ved reparasjon, ombygging eller utrusting slik at stabiliteten til fartøyet blir påverka, skal som eit minimum oppfylle dei krava til stabilitet som gjaldt før fartøyet blei endra.
Ved omfattande endring grunna reparasjon, ombygging eller endring av utrusting skal fartøyet oppfylle krava til stabilitet som gjeld for nye fartøy på tidspunktet for endringa.
Dersom det er tvil om stabiliteten til eit fartøy, kan Sjøfartsdirektoratet krevje at det blir sendt inn stabilitetsutrekningar og gjennomført ny krengjeprøve.
🔗Del paragrafKapittel 3. Brannsikring
§ 13.Gassalarm
Fartøy med fastmontert gassanlegg om bord skal ha gassalarm nær botnen av fartøyet.
🔗Del paragraf§ 14.Branndeteksjon på fartøy under 15 meter
Det skal vere varme- eller røykdetektor i alle innvendige opphaldsrom og maskinrom. Når ein detektor blir utløyst, skal det vere lydalarm i alle rom.
🔗Del paragraf§ 15.Berbare brannsløkkingsapparat
Det skal vere brannsløkkingsutstyr som svarer til den mogelege brannfaren.
Det skal minst vere
Brannsløkkingsapparata skal vere minst seks kilo og utstyrte med manometer.
Apparat skal vere plasserte lett tilgjengeleg og nær inngangen til rommet der dei er plasserte.
Brannsløkkingsapparat som kan bli utsette for frost, skal vere frostsikre.
🔗Del paragraf§ 16.Brannpumpe, brannslangar og strålerøyr på fartøy på 15 meter eller meir
Fartøy med største lengd 15 meter eller meir skal vere utstyrte med brannpumpe. Brannpumpa kan vere driven av hovudmotor. Brannpumpa skal ha kapasitet på minst 80 liter per minutt.
Fartøy med brannpumpe installert skal ha brannslange som skal kunne nå over heile fartøyet, og vere utstyrt med strålerøyr.
🔗Del paragrafKapittel 4. Redningsmiddel
§ 17.Redningsvestar og termiske drakter
Fartøyet skal ha termiske drakter (TPA) og redningsvestar i passande storleik til alle om bord. Redningsvestane skal vere CE-godkjende i samsvar med ISO 12402-4. Flyteplagg og termiske drakter skal oppbevarast lett tilgjengeleg om bord.
🔗Del paragraf§ 18.Redningsflåtar
Fartøyet skal ha redningsflåtar med samla kapasitet til alle om bord sjølv om éin redningsflåte skulle gå tapt eller bli ubrukeleg.
Redningsflåtane skal vere CE-godkjende i samsvar med ISO 9650-1.
Redningsflåtar skal vere stua i samsvar med produsenten si tilråding og skal kunne fortøyast til innskipingsstasjonar på ein forsvarleg måte.
Fartøy med største lengd under 8 meter som går i fartsområde 1 eller mindre i perioden 1. april til 30. september, treng ikkje å ha redningsflåtar dersom alle om bord har på seg redningsvestar som nemnt i § 17.
🔗Del paragraf§ 19.Fall over bord
For å handtere ein fall-over-bord-situasjon skal fartøyet ha
§ 20.Førstehjelpsutstyr
Fartøyet skal ha naudsynt førstehjelpsutstyr om bord.
🔗Del paragraf§ 21.Beredskap, alarminstruks og øvingar
Alle redningsmiddel skal vere klare til omgåande bruk medan fartøyet er undervegs.
Reiarlaget skal etablere klare instruksjonar for besetninga som skal fylgjast om ein naudssituasjon oppstår.
Alle besetningsmedlemmar skal delta i øvingar i bruk av redningsmiddel og brannsløkkingsutstyr kvar månad og i øvingar i førstehjelp kvart år.
Reiarlaget skal utarbeide ei opplæringshandbok som på ein lett forståeleg måte gir instruksar og informasjon om redningsreiskapane om bord og dei beste overlevingsmetodane.
🔗Del paragrafKapittel 5. Kommunikasjon og navigasjon
§ 22.Radioutstyr
Fartøy i fartsområde 1 eller større skal vere utstyrte med VHF-radioutstyr med DSC, tilkopla posisjonsmottakar. I fartsområde 4 eller større skal VHF/DSC vere fastmontert.
Fartøy i fartsområde 1 eller større skal vere utstyrte med éin handhalden VHF for kvar redningsflåte fartøyet fører.
Elektriske kraftkjelder som driv radioutstyr skal ha kapasitet til å drive utstyret under heile reisa, og i tillegg ha ein reservekapasitet på minst 6 timar.
Radioutstyret skal vere CE-merka.
🔗Del paragraf§ 23.Satellitt-naudpeilesendar (EPIRB)
Fartøy i fartsområde 4 eller større skal vere utstyrte med fri-flyt satellitt-naudpeilesendar (EPIRB).
EPIRB skal vere montert slik at han vil flyte opp til overflata og sende naudalarm dersom fartøyet skulle søkke.
På fartøy utan overbygning kan ein manuell EPIRB erstatte ein fri-flyt EPIRB.
🔗Del paragraf§ 24.Radartransponder (Radar-SART) eller AIS-transponder (AIS-SART)
Fartøy i fartsområde 4 eller større skal vere utstyrte med radartransponder (Radar-SART) eller AIS-transponder (AIS-SART). Transponderen skal vere plassert nær styreposisjonen, slik at den lett kan bli aktivert og er enkel å ta med i ein redningsfarkost.
🔗Del paragraf§ 25.Navigasjons- og vêrvarsel
Fartøy skal vere utstyrte for å kunne ta i mot oppdaterte navigasjons- og vêrvarsel for heile den planlagde reisa.
🔗Del paragraf§ 26.Navigasjon
Alle fartøy skal vere utstyrte med
Fartøy med største lengd 15 meter eller meir skal i tillegg vere utstyrte med
Elektriske kraftkjelder som driv navigasjonsutstyr skal ha kapasitet til å drive utstyret under heile reisa, og i tillegg ha ein reservekapasitet på minst 6 timar.
Reiser skal planleggast ved hjelp av oppdaterte offisielle sjøkart og nautiske publikasjonar og med omsyn til vêr- og bølgjevarslar.
Oppdaterte offisielle sjøkart skal finnast om bord.
Skipsførar skal overvake kursen og posisjonen til fartøyet for å sikre at fartøyet fylgjer den planlagde ruta.
🔗Del paragraf§ 27.Føring av dagbok
Skipsførar skal føre dagbok med opplysingar om kvar enkelt reise og om hendingar undervegs som kan vere til nytte for styresmakter eller andre med rettsleg interesse i reisa. Dagboka skal innehalde opplysingar om
Kapittel 6. Kvalifikasjonar og bemanning
§ 28.Kvalifikasjonskrav og bemanning
Førar skal vere minst 20 år og ha
For kvar redningsflåte om bord, med unntak av den eller dei redningsflåtane som er i reserve, skal det i tillegg til førar vere minst eitt besetningsmedlem som har opplæring som nemnt i første ledd bokstav e.
Reiarlaget skal fastsetje ei bemanning som er tilstrekkeleg til å vareta forsvarleg drift av fartøyet og tryggleiken til alle personar om bord ved normal drift og i ein naudssituasjon. Bemanninga skal vere tilstrekkeleg til å handtere segl og rigg utan hjelp frå andre personar om bord. Personar som er ein del av bemanninga, skal oppfylle krava i første ledd bokstav f.
🔗Del paragrafKapittel 7. Vedlikehald
§ 29.Vedlikehald av fartøy og utstyr
Fartøyet skal haldast ved like på ein slik måte at tryggleiken for liv og helse, miljø og materielle verdiar er vareteken.
Reiarlaget skal ha rutinar for visuell kontroll av alt rednings- og førstehjelpsutstyr før kvar tur.
Reiarlaget skal ha rutinar for ettersyn og vedlikehald av brannsløkkingsutstyr og rednings- og førstehjelpsutstyr minst éin gong kvar månad eller i samsvar med produsenten si tilråding.
Reiarlaget skal ha rutinar for ettersyn og vedlikehald av anna utstyr om bord i samsvar med produsenten si tilråding.
Oppblåsbare redningsmiddel skal kontrollerast ved ein godkjent servicestasjon minst kvart tredje år.
🔗Del paragrafKapittel 8. Avsluttande reglar
§ 30.Dispensasjon
Sjøfartsdirektoratet kan etter skriftleg søknad gi dispensasjon frå krav i forskrifta. Spesielle grunnar må gjere dispensasjonen naudsynt, og dispensasjonen må vere tryggleiksmessig forsvarleg.
🔗Del paragraf§ 31.Iverksetjing
Forskrifta trer i kraft 1. oktober 2022.
Fartøy som har vore brukte av opplæringsinstitusjonar før iverksetjing av denne forskrifta treng ikkje å oppfylle forskrifta før 1. april 2023.
🔗Del paragraf§ 32.Endring i annan forskrift
Frå 1. oktober 2022 blir det gjort følgande endring i forskrift 22. desember 2014 nr. 1893 om tilsyn og sertifikat for norske skip og flyttbare innretninger § 20: – – –
🔗Del paragraf