Tips for eit trygt hummarfiske

  • Publisert: 01.10.2019

I dag, 1. oktober, starta hummarfisket over heile landet.  Me i Sjøfartsdirektoratet ønsker å unngå ulykker, og ber deg til å tenka ekstra godt på eigen tryggleik når du gjer deg klar til årets sesong.

Fresh lobsters in a pot
Startskotet for hummarfisket går 1. oktober.
FOTO: Magnus Jonas Fjell

I 2018 skjedde det ei særs alvorlig ulykke tilknytta hummarfiske. To fedre som var sjøvande, omkom i ei båtulykke og kom ikkje heim til familiane sine igjen etter hummarfiske. Me i Sjøfartsdirektoratet ønsker å unngå at liknande skjer igjen, og oppmodar deg til å tenka ekstra godt på eigen tryggleik.

 

Her er nokre tips du kan ta med deg:

  • Respekter værmeldingane! Hummerfiske skal berre føregå under eigna tilhøve.

 

  • Bruk redningsvest eller flyteplagg! Det kan vera vanskeleg å halda seg flytande med masse våte klede dersom du hamnar i vatnet. NB! Hugs påbodet om å ha på deg flyteplagg. Og hugs å sjekka om den oppblåsbare vesten er oppdatert, og om du treng ny gasspatron eller saltvannstablett. Sjekk datostempling, og skru til patrona. 

 

  • Meld frå kor du går, og ha med naudsynt varslingsutstyr. Mobiltelefon i vasstett pose kan komma godt med.

 

  • Ha det ryddig i båten! Pass på at tau er rydda og ikkje ligg i vegen for rørsle i båten.

 

  • Ha tilgjengeleg ein skarp kniv til å kunna kutte tauverk.

 

  • Unngå kantring, og tenk difor på stabiliteten i båten når du stablar teiner.

 

  • Ein bør helst vera to personar i båten under hummarfiske.

 

Me ønsker deg eit sikkert hummarfiske og håpar inderleg du tenker på eigen tryggleik.

Tenk med hjarta!

Fant du det du lette etter?

NB! Ikke skriv inn personopplysninger her.

Vi svarer ikke på henvendelser. Tilbakemeldinger gitt her brukes kun til forbedring av nettsidene.

Til toppen